Electrical Technical Office and Implementation – اعمال المكتب الفني و التنفيذ كهرباء

خبرة السنين زي ما المهندس محمد مصطفي بيسميه … الكورس دا فعلا خبرة السنين … بيغطي جوانب كتيرة جدا … هتخليك تنزل اي موقع بقلب جامد جدا … نيجي بقي لمحتويات الكورس (20 ساعة):

1- هنتكلم الاول عن أطراف اي مشروع مقاولات ودور كل طرف وازاي المالك بيبدأ يختار استشاري التصميم

2- كيفية طرح المشروع وطرق وأساليب الطرح طبقا لقانون 182 لسنة 2018 … بشكل مفصل وتفصيلي … هتحس كأنك في مناقصة حقيقية !!!

3- هنطبق عملي على كراسة شروط لمشروع قائم بالفعل ونشوف محتويات كراسة الشروط ونقراها باستفاضة ومن خلال شرح كراسة الشروط هتفهم مطبخ المقاولات ازاي بيتم إدارته

4- بعد كده هنتكلم عن انواع المهندسين بالموقع ودور كل مهندي ايه بالظبط عشان وحضرتك بتتفق مع أي شركة على شغل محدش يضحك عليك.

5- وبعد كده هنتكلم عن الورقيات والفورمات اللي بتكون موجودة في أي مشروع من المقاول للاستشاري ومن الاستشاري للمقاول

6- اعتمادات المواد الكهربية … هتتعلم ازاي تقدم أي خامات للاستشاري للاعتماد وايه النقط اللي تاخد بالك منها

7-ازاى تراسل موردين وتجيب عروض فنية ومالية منهم … وايه شروط المراسلة

8- هتشوف معانا اعتمادات حية بعنيك … وأمثلة على الاعتمادات زي اعتماد اللوحات الكهربائية واعتمادات الكابلات واعتمادات معظم الخامات بالموقع

9- بعد كده هنتكلم عن موضوع مهم جدا جدا وهو اختبارات المواد بالمصنع زي اللوحات الكهربائية (هتشوف إزاي بيتم اختبار المواد داخل المصانع الكبري بالفيديو) وكمان اختبارات الكابلات الكهربائية (الشرح مدعم بالفيديو من داخل المصانع المختلفة)

10- بعد كده هنتكلم عن تشوين المواد بالموقع والتجهيز لبدء الأعمال

11-  وكمان شرحت لحضراتكم الأعمال المدنية التي تتم قبل بدء الاعمال الكهربائية بالتفصيل ودا عشان تعرف هتبدأ شغلك امتي وتحس بالوقت وتحس بحركة الموقع حواليك

12-  شرح وافي جدا لتنفيذ أعمال السقف وامتي بالظبط بتبدأ شغلك التنفيذي عشان متبقاش انت سبب عطلة الأعمال (الشرح مدعم بالفيديو من مواقع العمل)

13-  شرح اعمال التركيبات الداخلية علي الحوائط (الشرح مدعم بالفيديو)

14-  شرح سحب الأسلاك والموصلات والنقاط الفنية وطرق استلام الاعمال من المقاول (الشرح مدعم بالفيديو من مواقع العمل)

15-  شرح تركيب الاكسسوارات وتركيب حوامل الكابلات

16-  شرح تركيب اللوحات الكهربائية كاملا

17-  طيب هتعمل ايه لو روحت اشتغلت في موقع وقالك انت شغلك شبكات خارجية ؟؟؟؟؟؟؟؟؟؟؟ متقلقش … الكورس كمان بيغطي شرح وافي جدا لأعمال الشبكات الخارجية من موزع لغرف محولات وبيلرات وكوفريهات ومد كابلات للشبكة بالكامل الشرح مدعم بالصور والفيديوهات من مواقع العمل المختلفة

18-  ازاي تعمل وصلات ونهايات للكابلات وازاي تحدد اعطال الكابلات وكيفية اختبارها في الموقع بالميجر.

19-  الجزء الهام جداااااااااااااااااااااااااااااااااا … هو تسعير البنود لأي مقايسة هتقع تحت ايدك …. من خلال الجزء ده هتتعلم أسس تسعير أي بند … وكمان هنطبق بشكل عملي جدا جدا جدا علي التسعير وبعد الفيديو ده هتلاقي نفسك بتحسب مصنعيات التركيب من غير مساعدة حد … مع العلم ان مصنعيات التركيب هي الجزء الأصعب في تسعير البنود … طبعا فيه مفاجآت كتير جدا في جزء التسعير ….

20-  المستخلصات وكيفية إعداد المستخلصات وازاي تعمل بيان أعمال وبتطلب فلوسك من المالك ازاي … كل ده هتتعرف عليه من خلال المحاضرة دي اللي فعلا جامدة جدا