Electrical and Low current Shop Drawings – الرسومات التنفيذية للاعمال الكهربائية والتيار الخفيف

COURSE DESCRIPTION:

لما انا قررت اجهز الكورس ده فكرت كتير وقررت ان المحتوي مش هيكون تقليدي … يعني … لو انت فاكر ان كورس الشوب دروينج مجرد رسومات وبس … تبقى غلطااااااااااااااان … الكورس يغطي جوانب فنية كتيررررررررررررررر جدا وكمان بيغطي جانب اقتصادي وتوفيري … يعني ممكن ترسم شوب دروينج وتكلف شركتك الآف الجنيهات في حين بشوية معلومات بسيطة تقدر توفر جدا في الخامات اللي انت بتستخدمها !!! وانا في الكورس ده ركزت على محاور مهمة جدا وهي …. اولهم … النقاط الفنية ودي انجزناها من خلال شرح وافي جدا لجميع الانظمة نظري زي

1- نظام الانارة كاملا ومكوناته وتركيبه وازاي تحلل بنوده وتقراها من المقايسة بشكل كويس جدا

2-  اللوحات الكهربائية كاملة ومكوناتها وشرح تفصيلي لجميع المكونات بدقة كبيرة

3- الكابلات الكهربائية ازاي تتعامل معاها وايه انواعها وازاي تقرأها من المقايسة كويس

4- نظام الباور الفرعي من دوائر فرعية نهائية (برايز عادية وبرايز قوي وتكييف وسخان و ….)

5- حوامل الكابلات والثغرات الفنية الموجودة فيها وازاي تحسب وتحلل الحالة اللي قدامك … وتقرر اساليب التغذية المناسبة سواء عن طريق مواسير او حوامل الكابلات وكل ده طبعا طبقا للأكواد.

6- نظام إنذار الحريق … تم شرحة باسلوب شيق جدا وجديد جدا وكمان غطينا فيه جوانب كثيييييييييييييييييييرة جدا و تطرقنا للكود ومن خلال النظام ده هنتعرف علي الخبايا اللي والاخطاء اللي معظم المصممين بيقعوا فيها … النظام ده لوحده ياجماعة كفيل ان هو يكون كورس لوحدة والله … وكمان تم شرح كيفية الربط بين نظام إنذار الحريق والانظمة المختلفة سواء تيار خفيف أو انظمة التكييف او انظمة اطفاء الحريق.

7-  نظام كاميرات المراقبة … ودا بقي انا بعتبره مفاجأة الكورس واوعدكم ان مفيش حد شرح النظام ده بالعمق ده … غطينا جوانب كتيرة جدا منها … انواع الكاميرات والتكنولوجيا الموجودة حاليا ايه … وكمان شرحنا مكونات الكاميرات ومواصفاتها بشكل مفصل وازاي تختار الكاميرا المناسبة ليك حتي لو هتجيب كاميرا لبيتك … وشرحنا نقاط فنية تخص اجهزة التسجيل والتحكم وازاي تحسب استهلاك الهارد والعوامل المؤثرة وحاجات ثانية كتيرة جدا… وكتير من المهندسين اللي اخدوا الكورس ده فتحوا شغل خاص بيهم في مجال الكاميرات وده بفضل الله …

8-  نظام الإذاعة الداخلية … نظام لذيذ جدا وجميل ومن خلاله هتعرف مكونات النظام و ازاى بيشتغل وفين بيكون موجود وحساباته ازاي بتتعمل بشكل سريع … وايه الانظمة اللي بيربط معاها

9- نظام اطفاء الحريق …. ايه ده ؟؟؟ … دا يخص مهندسين ميكانيكا … ايوه ولكن تم شرح النظام بشكل مبسط وجميل هيخليك تقرا اي لوحة تخص هذا النظام وكمان هتقدر تعمل معاه تنسيق بين الأعمال وهتفهم النظام جدا ان شاء الله

10- نظام التكييف والتهوية … والنظام ده برضه يخص مهندسين ميكانيكا بس برده تم شرحه وشرح مكوناته وكيفية الربط والتنسيق مع هذا النظام …

دا كده ملخص بسيييييييييييييييييييييط جدا للمحتوى النظري اللي حضرتك هتحصل عليه اما بالنسبة للشغل العملي دا هيبقي مفييييييييييييييد جدا لحضرتك وهيمثل الجزء التوفيري والاقتصادي ودا بنشرح فيه الآتي:

1-  هنبدأ نطبق عملي على مبنى تجاري كبير ومن خلال الشرح هنعمل مع بعض الرسومات بشكل سريع جدا

2- هنطبق على جميع الانظمة و هنرسم الشوب دروينج لجميع الانظمة بالتفصيل

3- من خلال الكورس هتحصل علي مجموعة Tools هتساعدك انك تخلص الشوب دروينج بشكل سريع جدا جدا جدا … ومش هحرق لكم النقطة دي … خليها مفاجأة

4- رسم الشوب دروينج للوحة الانارة ودي بتبقي من أكثر اللوحات اللي فيها شغل ولكن ………. لا تقلق هتلاقي نفسك بكل سهولة ماشي علي خطوات ثابتة انا مديهالك وهتنجز أي لوحة بأي مساحة ومش هيفرق معاك مساحة الدور ابدا …. لا وكمان هخليك توفر في الخامات اللي انت بتستخدمها بخطوات بسيطة جدا

5- شرح توزيع بواطات الترييح وبواطات الاتصال بشكل علمي من الاكواد العالمية وكيفية اختيار البواطات بشكل سليم لجميع الانظمة وكمان هنطبق بشكل عملي على جميع الانظمة

6- سؤال مهم … لو الاستشاري التصميمي لم يحدد أقطار المواسير المستخدمة … هتعمل ايه ؟؟؟؟ …. ان شاء الله غطينا كمان جانب اختيار المواسير المناسبة وشرحنا الجزء ده نظري من خلال الاكواد وكمان طبقنا علي كل الانظمة وحددنا قطر المواسير المستخدمة

7-  رسم الشوب دروينج لنظام الباور الفرعي وتوصيل دوائرة وكيفية التوفير في الخامات المستخدمة والاخطاء اللي بيقع فيها المهندسين

8- رسم الشوب دروينج لتغذيات اللوحات الفرعية والعمومية عن طريق حوامل كابلات وازاي تحسب حامل الكابلات المناسب ونقط فنية كتيرة جدا

9- رسم الشوب دروينج لجميع انظمة التيار الخفيف التي تم شرحها بشكل نظري والربط فيما بينهم

10-عمل اللوحات التنسيقية بشكل عملي والتنسيق بين جميع الانظمة اللي تم شرحها من انارة وباور وتيار خفيف وانظمة الميكانيكا كمان

11- رسم لوحة التفاصيل باحترافية عالية جدااااااااااااااااااااااا … مفاجأة … هخليك ترسم اي شكل انت عايزة من مساقطه المختلفة في 10 ثواني !!!!!

12-  شرح جداول الأحمال وأهميتها وكيفية اعدادها بشكل عملي.

13-  بعد كده هنبدأ ناخد اللوحات ونعمل لها Scale و Layout و هنشرح الجزء ده بشكل مفصل جدا

14-  الطباعة … ودي نقطة صعبة بتواجه المهندسين ولكن …….. لا تقلق من خلال الكورس هتعرف ازاي بتظبط رسوماتك وتجهزها للطباعة بشكل احترافي

مفاجأة الكورس الحقيقية هي حصر الأعمال … كتير مننا شركته بتطلب منه انه يعمل حصر للخامات اللي هيستخدمها خلال المشروع … وكمان حصر للكميات التي تم إنجازها من المقايسة … في الفيديو ده هتفهم بعمق جداااااااااااااا ازاي بتعمل حصر الاستشاري وحصر الخامات اللي انت هتستخدمها من مواسير وأسلاك وعلب … وحاجااااااااااااااات تانية كتيرة مستنياك في الفيديو ده.

وده كده كان شرح مبسط لمحتويات كورس الشوب دروينج … صدقني هتلاقي مفاجآت كتير

وعشان نتأكد انك فهمت المحتويات تمام التمام … هيكون فيه اختبار في اخر الكورس و مهام مطلوبة من حضرتك … لو حضرتك قدرت تجتاز الاختبار ده … هتاخد شهادة باجتياز الكورس

What you will learn:

• تجهيز الرسومات التنفيذية للاعمال الكهربائية والتيار الخفيف باحترافية كاملة
• هتتعلم جميع الانظمة الكهربائية من انارة وباور بشكل نظري وتطبيقات عملية
• هتتعلم انظمة التيار الخفيف باحترافية بشكل نظري وعملي (انذار حريق – كاميرات مراقبة – صوتيات – تليفونات – داتا – دش مركزي)
• هنشرح من خلال الكورس الانظمة الميكانيكية (اطفاء حريق وانظمة التكييف)
• عمل الرسومات التنسيقية بين جميع الانظمة (كهرباء – ميكانيكا – تيار خفيف – معمارية – انشائية)
• كيفية الربط بين الانظمة المختلفة باور وتيار خفيف و جميع انظمة الميكانيكا
• عمل رسومات التفاصيل باحترافية عن طريق برامج
• تجهيز جداول الاحمال بشكل سريع و دقيق
• تجهيز اللوحات للطباعة وكل مايخص ال scale
• طباعة اللوحات بشكل احترافي وتقديمها للجهات المختصة
• حصر الاعمال بشكل سريع جدا جدا و دقيق جدا جدا